دیکی اوغانستان اٹی درملکی سیل و سواتی تیا عسکریت پسند آتا جلہو اٹی 10درملکی سیل و سوات تپاخت، 5ٹھپی

ہرات۔(پاکستان نیوز پوائنٹ 04 اگست 2016ء) دیکی اوغانستان اٹی درملکی سیل و سواتی تیا عسکریت پسند آتا اسہ جلہو اسے ٹی 10درملکی سیل و سوات تپاخت و 5ٹھپی مسنو۔ چینی خبر رساں ایجنسی نا رداٹ پنچ شنبے آہرات نا ضلع چشتی شریف اٹی درملکی سیل و سواتی تا قافلہ غا جلہو کننگا۔ ڈسٹرکٹ گورنر واقعہ نا تصدیق ءِ کرسا پارے کہ جلہو اٹی 10درملکی سیل و سواتی تپاخت و 5ٹھپی مسنو۔ تپاخت کروک آ سیل و سواتی تا شہریت نا معلوم مننگ کتو۔ اوپارے کہ جلہو آن گڈ سیکورٹی فورسز آک کیہی سیل و سواتی تے تینا رکھی تحویل اٹی ہلکر۔ داوخت اسکان اسہ رڑیا تنظیم اس دا جلہونا زمہ واری ءِ امنا کتنے۔ الجزیرہ ٹی وی تینا رپورٹ اٹی داواقعہ ٹی 6بندغ نا ٹھپی مننگ ناتصدیق کرینے۔