پاکستان مسلم لیگ (ن)نا حکومت نا پالیسی تا نتیجہ ٹی 2028 اسکان پاکستان دنیا نا مون آ پوسکن ءُ معاشی قوت اس جوڑ مرسا مون آ بریک، سینیٹر غوث محمد خان نیازی

اسلام آباد(پاکستان نیوز پوائنٹ 04 اگست 2016ء) سینیٹر غوث محمد خان نیازی پارینے کہ 2028ء اسکان پاکستان دنیا نا مون آ پوسکن ءُ معاشی قوت اس جوڑ مرسا مون آ بریک۔ ریڈیو پاکستان تون ہیت وگپ کرسا اوپارے کہ ساڑی آ حکومت وپاکستان نا فوج انا لیڈر شپ پاکستان ءِ دہشت گردی آن پاک ملک اس جوڑ کننگ کن غٹ تر گام گیج آتے کننگ ءِ۔ اوپارے کہ پاکستان مسلم لیگ (ن) نا حکومت نا پالیسی تا نتیجہ ٹی پاکستان 2028 ء اسکان پاکستان دنیا نا مون آ پوسکن ءُ اقتصادی طاقت اس جوڑ مرسا مون آ بریک۔ اوپارے کہ غٹ سیاسی پارٹی تے مرے کہ او پاکستان نا معیشت نا گچینی کن حکومتی پالیسی تتون تفر۔ پاک چین اقتصادی راہداری ڈٹ انا بابت اوپارے کہ داڈٹ پاکستان اٹی معاشی انقلاب برپا کننگ تون ڈیہہ نا قسمت ءِ بدلیفک۔