سی پیک ڈٹ انا رداٹ بنداوی ڈھانچہ نا شونداری نا میگاپروجیکٹ آتیان سیمنٹ نا طلب اٹی نمان ودکی

سی پیک ڈٹ انا رداٹ بنداوی ڈھانچہ نا شونداری نا میگاپروجیکٹ آتیان سیمنٹ نا طلب اٹی نمان ودکی

اسلام آباد(پاکستان نیوز پوائنٹ 28مارچ2017ء) بروک آ پنچ سال اٹی سیمنٹ نا صنعت نا پیداواری لائخی تیٹی 29 ملین ٹن نا ودکی کننگک۔ سیمنٹ تیار کروک آ کیہی ہندی ادارہ تینا پیداوار اٹی ودکی کن گام گیج کننگ ءُ۔ سیمنٹ نا ہندی صنعت نا کارکڑد و پیداوار برآمد آتا بابت جاچکاری رپورٹس نا رداٹ ترندی اٹ ودوک آ شاری آبادی، اُراتا جوڑ جاڑ و سرکاری بشخ انا شونداری پروگرام و چین پاکستان اقتصادی راہداری ڈٹ انا رداٹ بنداوی ڈھانچہ نا شونداری نا پروجیکٹ آتا بناء آن سیمنٹ نا ملکی طلب اٹی نمان ودکی مننگ ءِ ، رپورٹ نا رداٹ اینخو مالی سال 2016-17 نا اولیکو ہشت تُو اٹی سیمنٹ نا صنعت نا شرح شونداری 9 درسد ریکارڈ کننگانے وخت اس کہ اینخو مالی سال اکن بشخ انا شونداری نا ہدف 12درسد مقرر کننگانے۔