اسلام آباد(پاکستان نیوز پوائنٹ 28مارچ2017ء) چیئرمین پاکستان اقتصادی فورم ڈاکٹر ہمایوں اقبال شامی پارینے کہ وزیراعظم محمد نواز شریف سندھ انا پسماندہ علاقہ غاتا شونداری ٹی پہل کرینے۔ ریڈیو پاکستان تون ہیت وگپ کرسا اوپارے کہ حیدرآباد تون اوار صوبہ سندھ انا چندی علاقہ سیاسی، معاشی ، و راجی لحاظ اٹ پسماندہ مسنو و وزیراعظم پاکستان خوائک کہ اوفتے ہم ایلو شونداری کروک شار تا بریبر اتنگے، وزیراعظم محمد نواز شریف سندھ انا پسماندگی ءِ مر کننگ اٹی پہل کرینے۔
اوپارے کہ غٹ آن بنداوی ویل توانائی تنکی ءِ ہرانا مون ءِ توننگ کن تھرکول و نیو کلیئر پاور پروجیکٹ جاری کننگانے تانکہ صنعت نا پہیہ چلینگ انگ کے۔ اسہ سوج اسے نا ورندی ٹی اوپارے کہ خلق آتا خلقت ہم ترندی اٹ شونداری کننگ ءُ ولے افسوز نا ہیت اسے کہ خلقت تعلیم دوئی کرسا شارتا رخ ءِ ہلیرہ ہرانا سوب شاری آبادی ٹی ودکی مسنے۔ اوپارے کہ درست وڑوڈول دادے کہ خلق آتیٹی ہم شونداری کاریم کننگے تانکہ ہموجاگہ نا خلقت شار آتیٹی تعلیم حاصل کرسا خلق آتا رخ ءِ ہلپس تانکہ ہموجاگہ نا خلقت ءِ تعلیم و درمان نا گچین آسراتی دوبرے۔
