دے ٹکی اوغانستان اٹی جھیڑہ نا وخت آ مسہ پولیس کارندہ غاتون اوار 12عسکریت پسند تپاخت ننگرہار اٹی کارروائی ٹی داعش نا 7جنگوڑو تپاخت، کنڑ اٹی دھماکہ ٹی 10 شاری ٹھپی

دے ٹکی اوغانستان اٹی جھیڑہ نا وخت آ مسہ پولیس کارندہ غاتون اوار 12عسکریت پسند تپاخت ننگرہار اٹی کارروائی ٹی داعش نا 7جنگوڑو تپاخت، کنڑ اٹی دھماکہ ٹی 10 شاری ٹھپی

کابل (پاکستان نیوز پوائنٹ 04 اگست 2016ء) دے ٹکی اوغانستان اٹی جھیڑہ نا وخت آمسہ پولیس کارندہ غاتون اوار 12عسکریت پسند تپاخت کریر۔ ننگر ہار اٹی اسہ کارروائی اسے ٹی داعش نا 7جنگوڑو تپاخت کریر۔ کنڑ اٹی اسہ دھماکہ اسے ٹی 10شاری ٹھپی مسر۔ اوغان میڈیا نارداٹ کمامدارآک پاریر کہ دے ٹکی صوبہ پکتیکا ٹی اسہ جھیڑہ سے نا وخت آ مسہ پولیس کارندہ غاتون اوار 12عسکریت پسند تپاخت کریر، جھیڑہ ٹی ضلع آرگون کن طالبان نا چیف ہم خلنگانے۔

کمامدارآک داجھیڑہ ٹی مسہ پولیس کارندہ غاتا تپاخت نا تصدیق ءِ کرینو۔ دے ٹکی صوبہ ننگر ہار اٹی اسہ کارروائی اسے ٹی داعش نا 7جنگوڑو آتا تپاخت نا داوا کننگانے۔ کمامدارآتارداٹ دا کارروائی صوبہ نا علاقہ ہسکہ مینہ ٹی کننگانے و علاقہ ءِ داعش آن پاک کننگ کن کارروائی داساہم جاری ءِ۔ دے ٹکی صوبہ کنڑ اٹی اسہ دھماکہ اسے ٹی 10شاری ٹھپی مسر۔ دادھماکہ اسد آباد شار انا اسہ اِرا مزلہ ماڑی سے ٹی مس۔ ٹھپی تے ہسپتال آ گدریفنگانے۔ لغمان اٹی اسہ دھماکہ اسے ٹی صوبائی کونسل نا سروک ٹھپی مس۔ دادھماکہ مہتر لام شاراٹی مس۔ کمامدارآک دھماکہ ٹی اسہ شاری اسینا تپاخت نا تصدیق ءِ کرینو۔