بروک آ اِرا دے انا وخت آ سویلی پنجاب، خیبرپختونخواٹی، سندھ و دے ٹکی بلوچستان اٹی پِر انا گمان

اسلام آباد (پاکستان نیوز پوائنٹ 04 اگست 2016ء) محکمہ موسمیات نا رداٹ بروک آ اِرا دے انا وخت آ سویلی پنجاب، خیبرپختونخوا، سندھ و دے ٹکی بلوچستان اٹی جاگہ جاگہ پر وخت اس کہ ڈی جی خان و بلوچستان نا گڑاس برساتی نالہ غاتیٹی ڈورتا دیر ہتنگ نا گمان ارے۔ پی ٹی وی نا رداٹ تدوک آ 24گھنٹہ غاتا وخت آ بڑزکو پنجاب، بڑزکو خیبرپختونخوا، فاٹا، ژوب، سکھر، حیدرآباد، گلگت بلتستان و کشمیر اٹی پِر مس ۔

ملک انا ایلو علاقہ غاتیٹی موسم گرم و مرطوب سلیس۔ غٹ آن زیات پر خیبر پختونخوانا علاقہ دیر اٹی 63ملی میٹر ریکارڈ کننگا وخت اس کہ غٹ آن زیات درجہ حرارت تربت اٹی 46ڈگری سینٹی گریڈ ریکارڈ کننگا۔ بروک آ 24گھنٹہ غاتا وخت آ بڑزکو پنجاب، زیریں خیبرپختونخوا، سندھ انا کرکی علاقہ ، مالاکنڈ ، ہزارہ، فاٹا ، کوئٹہ ، ژوب و کشمیر اٹی گڑاس ہند آتیا ترند تہو و ہورہ و گروک تون پر، ڈی جی خان و بلوچستان نا گڑاس برساتی نالہ غاتیٹی ڈور تا دیر ہتنگ نا گمان ارے۔ محکمہ موسمیات نا رداٹ پر انا چرجوئی بروک آ اِرا دے اسکان برجا سلنگ نا گمان ارے۔