حسن ابدال نا خڑک آ مسافر ویگن نا حادثہ ٹی 18 بندغ ٹھپی

اسلام آباد (پاکستان نیوز پوائنٹ 04 اگست 2016ء) حسن ابدال نا خڑک مسافر ویگن پول آن شیف تمنگ نا نتیجہ ٹی 18 بندغ ٹھپی مسنو۔ نجی ٹیلی ویژن نا رداٹ مانسہرہ آن راولپنڈی آ بروک آ مسافر ویگن ترند رفتاری نا سوب حسن ابدال نا خرک پول آن شیف تما ہرانا نتیجہ ٹی 3چنا و2نیاڑی تتون اوار 18بندغ ٹھپی مسر۔ ریسکیو ذرائع نا رداٹ ٹھپی مروک آتے تحصیل ہیڈکوارٹر ہسپتال حسن ابدال پی او ایف ہسپتال آ گدریفنگا۔ ہراڑے مسہ ٹھپی تا حالیت نازرک پاننگ انگ ءِ۔