اسلام آباد(پاکستان نیوز پوائنٹ 04 اگست 2016ء) چین پاکستان اقتصادی راہداری ڈٹ (سی پیک ) نا پوروی آن ڈیہہ نا واپاری سرجزآتیٹی نمان ودکی نا اومیت ارے و اسہ سال اسینا وخت آ سی پیک روٹ آ تقریباََ 1.25ملین کنٹینرز نا ہن وبر آن سالانہ 30آن 40 ارب ڈالر نا کاروباری سرجزآک ودی مریرہ۔ مالیاتی جاچکار مبشر بشیر پارے کہ سی پیک نا پوروی آن چین تون اوار ڈیہہ نا ایلو ملک آتیٹی واپاری سرجزآتیٹی ودکی نا پیش نظر کیہی ہندی بینک ایلو ملک و خاص کر چین اٹی تینا برانچ آتا اڈتننگ کن سرگرم عمل ءُ۔
اوپارے کہ یونائیٹڈ بینک، حبیب بینک و نیشنل بینک آف پاکستان تون اوار ایلو کیہی ملکی بینک آک ایلو ملک آتیٹی تینا کاروبار نا بناء نا ڈٹ بندی ءِ کننگ ءُ تانکہ ہندی و درملکی پوریا گر تے بینکاری نا آسراتی فراوان کننگ مرے اوپارے کہ سی پیک نا پوروی آن سالانہ 12لکھ نا خڑک کنٹینرز آتا ہن و برنا اومیت ارے ہراڑآن30آن 40 ارب ڈالر نا کاروباری سرجزآک ودی مریرہ ہرانہ صرف ملکی معیشت نا شون اٹی کمکار ثابت مریرہ بلکن اوڑآن ڈیہہ نا شون آ ہم گچین زئم تمک۔
