پاکستان گچین خارجہ پالیسی آ عمل کننگ اٹی ءِ، ایئر مارشل (ر) شاہد لطیف

پاکستان گچین خارجہ پالیسی آ عمل کننگ اٹی ءِ، ایئر مارشل (ر) شاہد لطیف

اسلام آباد۔(پاکستان نیوز پوائنٹ 04 اگست 2016ء) دفاعی جاچکار ایئر مارشل (ر) شاہد لطیف پارینے کہ پاکستان گچین خارجہ پالیسی آ عمل کننگ اٹی ءِ۔ ریڈیو پاکستان تون ہیت وگپ کرسا اوپارے کہ پاکستان ءِ کشمیر نا ویل ءِ ایسر کرفنگ کن بھارت آ زور ءِ ودفوئی مرے و دا چرجوئی ٹی اودے اسلامی ملک آتا کانفرنس بٹنگ انگ نا گرج ءِ تانکہ کشمیر اٹی کودک کشمیری تیا بھارتی بیدادی ءِ توننگے و کشمیر نا ویل ءِ اقوام متحدہ نا قراردادآتارداٹ ایسر کننگ مرے۔

اوپارے کہ وزیراعظم پاکستان محمد نواز شریف اقوام متحدہ نا اسمبلی ٹی کشمیر نا ویل ءِ گچین وڑاٹ تالان کرینے۔ ایئر مارشل (ر) شاہد لطیف پارے کہ کشمیر نا ویل انا پرامن ایسری کن پاکستان ءِ سخت خواری کننگ نا گرج ءِ تانکہ دنیا نا ایلو ملک آتا توجوہ ہم داویل انا کنڈ ا مبذول کرفنگ مرے۔ پاکستان اٹی زرکاری نا بابت ہیت وگپ کرسا اوپارے کہ پاکستان اینو پگہ دنیا ٹی زرکار آتے کن پرکشش ملک اس جوڑ مسنے و ننے مرے کہ زرکاری کن پین گچین گام گیج کین تانکہ درملکی زرکارآک داڑے زرکاری کیر۔