فرنٹیئر کور بلوچستان و حساس ادارہ غاتا مچھ و بارکھان اٹی کارروائی، مچھ آن کالعدم تنظیم نا کمانڈر دزگیر وخت اس کہ بارکھان اٹی اسہ شکبر بندغ اس دزگیر، سلہہ دوئی، ترجمان ایف سی

کوئٹہ(پاکستان نیوز پوائنٹ 04 اگست 2016ء) فرنٹیئر کور بلوچستان و حساس ادارہ غاک بلوچستان نا علاقہ مچھ و بارکھان اٹی کارروائی کرسا کالعدم تنظیم نا ہندی کمانڈر ءِ دزگیر وخت اس کہ بارکھان آن اسہ شکبر بندغ اسے دزگیر کرسا سلہہ دوئی کریر۔ ترجمان ایف سی نا رداٹ پنچ شنبے آ فرنٹیئر کور بلوچستان بولان نا علاقہ مچھ و بارکھان اٹی حساس ادارہ غاتون کارروائی کرسا مچھ انا اسہ ہوٹل اسے آن کالعدم تنظیم نا اسہ ہندی کمانڈر اسے دزگیر کریر وخت اس کہ بارکھان آن اسہ شکبر بندغ اسے دزگیر کرسا اونا کوزہ آن مسہ ایس ایم جی ، اِرا رائفل و راؤنڈز دوئی کریر۔

مچھ آن دزگیر کالعدم تنظیم نا ہندی کمانڈر دہشت گردی، ٹارگٹ کلنگ تون اوار ایلو سنگین واردات آتیٹی اوارئس فرنٹیئر کور بلوچستان دا چرجوئی ٹی مستی جاست وپاست نا بناءِ کرینے۔