پاکستان ءُُ چین ءِ نیام ءَ سائنس ءُُ ٹیکنالوجی ءَ شریداری اقتصادی راہداری منصوبہ ءِ سر سوبی ءَ ھاسیں کرد پیش داریت، بنجاہی وزیر منصوبہ بندی، دیمروی ءُُ گہتری احسن اقبال ءِ چینی ٹولہ ءِ گوں گپ ءُُ تران

پاکستان ءُُ چین ءِ نیام ءَ سائنس ءُُ ٹیکنالوجی ءَ شریداری اقتصادی راہداری منصوبہ ءِ سر سوبی ءَ ھاسیں کرد پیش داریت، بنجاہی وزیر منصوبہ بندی، دیمروی ءُُ گہتری احسن اقبال ءِ چینی ٹولہ ءِ گوں گپ ءُُ تران

اسلام آباد(پاکستان پوائنٹ نیوز 03 -اگست 2016ء) بنجاہی وزیر منصوبہ بندی ، دیمروی ءُُ گہتری احسن اقبال ءَ گشتگ انت کہ پاکستان ءُُ چین ءِ نیام ءَ سائنس ءُُ ٹیکنالوجی ءَ شریداری اقتصادی راہداری منصوبہ ءِ سر سوبی ءَ ھاسیں کرد پیش داریت۔ پاکستان چین ءِ علم ءُُ پٹ ءُُ پول ءَ پائدگ زورگ ءِ ھاتر ءَ درستیں کوشست کار مرز کنگ بیت چار شمبے ءَ اے ھیال آنی درشانی آئی ءَ پلاننگ کمیشن ءَ چینی ٹولہ ءِ گوں گند ءُُ نند ءِ وھد ءَ کرتگ۔

گند ءُُ نند ءَ چین ءُُ پاکستان ءِ نیام ءَ قدرتی وھیل ءَ دو چار ءِ ھاتر ءَ پٹ ءُُ پول ءَ کمک ءِ سرا گپ ءُُ تران بوتگ۔ بنجاہی وزیر ءَ گشتگ کہ سی پی منصوبہ پاکستان ءُُ چین ءِ وژن ءِ ملاپ انت آئی ءَ خطہ ءَ سے ارب مردم پائدگ زرت کنا نت۔ آئی ءَ گشتگ کہ پاکستان ءُُ چین اے منصوبہ ء، سرا گیزی ءَ کار کنگ ءَ انت ءُُ دوئیں ملک یک دومی ءِ گوں مسلسل رابطہ ءَ انت۔ا ٓئی ءَ گشتگ کہ چین پاکستان اے منصوبہ ءِ دوئیں ملک آنی ھاتر ءَ افادیت ءِ گوں خطہ ءِ سے ارب مردم آنی تقدیر بدل کنگ ءِ ارزشت ءَ آگاہ انت۔