اسلام آباد(پاکستان پوائنٹ نیوز 03 -اگست 2016ء) سندھ ٹی وی سکھر نا بیوروچیف شوکت نوناری نا باوہ ناخون و خوشاب نا صحافی آبیدادی نا برخلاف قومی اسمبلی نا پریس گیلری آن صحافیک واک آؤٹ کریر۔ چارشنبے آ قومی اسمبلی نا دیوان نا وخت آ ڈپٹی اسپیکر پارلیمانی پریس گیلری آن صحافی تا واک آؤٹ نا پیدواری ءِ کرسا بنجائی وزیر شیخ آفتاب احمد و میاں ریاض حسین پیرزادہ ءِ پارت کرے کہ صحافی تیا ہنسا ہرفنگے کہ اوانت اکن واک آؤٹ کرینو۔
صحافی تاواک آؤٹ نا بارواٹی رپورٹ ترسا بنجائی وزیر ریاض حسین پیر زادہ پارے کہ سندھ ٹی وی سکھر نا بیوروچیف شوکت نوناری نا باوہ نا خون ءِ کننگانے و خوشاب نا اسہ صحافی سے آ بیدادی کرسا اونا نت تے پرغنگانے اوفتا خواست ءِ کہ صوبائی حکومت آتون ہیت کرسا دانا ایسری اس کشنگے۔
