اسلام آباد۔(پاکستان پوائنٹ نیوز 03 -اگست 2016ء) قومی اسمبلی بینک آتے قومیانہ نا ترمیمی بل انا منظوری تس۔ چارشنبے آ قومی اسمبلی نا دیوان اٹی پارلیمانی سیکرٹری خزانہ رانا محمد افضل خان تحریک پیش کرے کہ بینک آتے قومیانہ نا (ترمیمی ) بل 2016ء غور اٹی ہتنگے۔ داڑآ سید نوید قمر پارے کہ ہراترمیم ءِ ہتنگ انگ ءِ اونا بایدے وضاحت مرے۔ ڈاکٹر عارف علوی پارے کہ کانود تو موکل ایتک ولے دا پارلیمانی روایت آتا روح انا برخلاف ءِ ۔
پارلیمانی سیکرٹری خزانہ رانا محمد افضل خان پارے کہ سینیٹ دا ترمیم ءِ کرینے کہ بینک آتا صدرآتے صرف اسہ وار ودیکی تننگے۔ دابل پارلیمنٹ نا ہڑتوم آ ایوان آتیان مست منظور مسنے ۔ ایوان داتحریک نا منظوری ءِ تس۔ ڈپٹی اسپیکر بل انا جتا شق آتا ایوان آن منظوری ءِ دوئی کرے۔ پارلیمانی سیکرٹری خزانہ رانا محمد افضل خان تحریک پیش کرے کہ بینک آتے قومیانہ نا ترمیمی بل 2016ء ءِ منظور کننگے۔ قومی اسمبلی بل انا منظوری ءِ تس۔
