رینجرز واک آتا بابت پیپلزپارٹی نا سروک نا بیان آک و تنقید حیران کن و سمجھ آن ایڑ تر ءِ، حکومت سندھ انا نوٹیفیکیشن مسترد مس و نہ ہی دا چرجوئی ٹی ضابطہ پڑو اس کننگا، ترجمان وزارت داخلہ

اسلام آباد(پاکستان پوائنٹ نیوز 03 -اگست 2016ء) وزارت داخلہ نا ترجمان پارینے کہ پیپلزپارٹی نا سروک نا کنڈآن رینجرز واک آتا بابت بیان آک و تنقید حیران کن و سمجھ آن ایڑتر ءِ۔ ترجمان وزارتِ داخلہ نا کنڈآن چارشنبے آداڑے جاری بیان نا رداٹ تدوک آ اِرا ہفتہ آن رینجرز سندھ اٹی واک آن بیدس ساڑی ئسر۔ وزارت داخلہ نا واروار یات دہانی نا باوجود ہم نہ تو داچرجوئی ٹی حکومت سندھ انا کنڈآن پیش رفت اس خننگا و نہ ہی پیپلزپارٹی نا سروک بے صبری نا درشانی ءِ کرے ہراکہ داسا کننگ انگ ءِ۔

ترجمان پارے کہ رینجرز نا واک آتیٹی ودکی نا بابت نوٹیفیکیشن وزارت داخلہ ءِ تدوک آ دے ملا ہرانا کانودی چاہندارآک جاچ ءِ ہلنگ ءُ۔ وزارت داخلہ نا کنڈآن نہ تو حکومت سندھ نا نوٹفیکیشن مسترد مسنے و نہ ہی داچرجوئی ٹی باضابطہ پڑو کننگانے۔ بیان اٹی پاننگانے کہ کانودی چاہندار آک حکومت سندھ انا نوٹیفکیشن اٹی تضاد آتا پیدواری ءِ کرینو۔ دابابت وزیر داخلہ گڈیکو فیصلہ ءِ اینو دیوان آن پد کیک۔