چین اتون آجوواپار نا معاہدہ غا نظرثانی نا 6دور مسنو، پوروی آن گڈ آجوواپار نا معاہدہ ٹی سلوک آ خامیک مر مریرہ وزارت واپار نا کنڈآن قومی اسمبلی ٹی ورندی

چین اتون آجوواپار نا معاہدہ غا نظرثانی نا 6دور مسنو، پوروی آن گڈ آجوواپار نا معاہدہ ٹی سلوک آ خامیک مر مریرہ وزارت واپار نا کنڈآن قومی اسمبلی ٹی ورندی

اسلام آباد (پاکستان پوائنٹ نیوز 03 -اگست 2016ء) وزارت واپار نا کنڈآن قومی اسمبلی ءِ پاننگانے کہ چین اتون آجوواپار نا معاہدہ غا نظرثانی نا 6دور مسنو، اونا پوروی آن گڈ آجو واپار نا معاہدہ ٹی سلوک آ خامیک مرمریرہ ۔ چارشنبے آ قومی اسمبلی نا دیوان اٹی وقفہ سوج آتا وخت آ شاہدہ رحمانی نا سوج انا ورندی ٹی وزارت واپار نا کنڈآن بنجائی وزیر زاہد حامد پارے کہ پاکستان انفارمیشن ٹیکنالوجی معاہدہ داوخت اسکان منظور متنے۔

وزارت انڈسٹری نا پاننگ ئس کہ داڑآن ہندی صنعت ءِ نسخان مریک واہم داسا سمری ءِ تیار کننگانے ۔ ایف بی آر نا کنڈآن رائے بننگ آ اومیت ءِ کہ اونا منظوری مریک ، دارداٹ وزارت ٹیکسٹائل و ایلوفتا گڑتی و خدشہ غاک ایسر مسنو۔ ساجدہ بیگم نا سوج اناورندی ٹی وزیر کانود زاہد حامد پارے کہ چین اتون آجو واپار نا معاہدہ 2007ء ٹی فعال مس، داڑآن ہڑتوم آ ملک آتیٹی واپار اٹی ودکی مس۔

چین آن آجو واپار نا معاہدہ غان مست واپاری کچ 7.75ملین ڈالر ئس واہم 2015ء ٹی دا 2.1ارب ڈالر اسکان سرمس۔ داوخت اسکان پورو وڑاٹ فائدہ ہرفنگ کتو۔ اوپارے کہ ایف ٹی اے نا پوسکنا فیز اکن ہیت و گپ نا شش دور مسنو اوٹی ہرادشواریک ءُ اوفتے مر کننگ اٹی داہیت و گپ کمکار ثابت مریک۔ زاہد حامد پارے کہ قبائلی علاقہ غاتیٹی ایجنسی تیٹی مسہ مسہ پوسکن ءُ کسٹم دفتر ملنگانے ، طورخم، چمن تون اوار مسہ پوسکن ءُ بنجاء جوڑ کننگانے۔