اسلام آباد۔(پاکستان پوائنٹ نیوز 03 -اگست 2016ء) پارلیمانی سیکرٹری اوورسیز پاکستانیز شفقت حیات خان بلوچ پارینے کہ پیشن نا ملک جتا پاکستانی مشن آتیٹی تعیناتی کن کمیونٹی ویلفیئر اتاشی تا گچینی ءِ کننگانے ہرافتے آن 11اتاشی حاضری تننگ ءُ ، بروک آ پروٹیکٹر آن گڈ ہی پاکستانی تے پیشن نا ملک روزگار کن گدریفنگ نا فیصلہ آ سختی اٹ عملدرآمد نا بناءِ کرینے۔
داکاریم اٹی پین شفافیت ہتنگک۔ چارشنبے آ قومی اسمبلی نا دیوان اٹی وقفہ سوج آتا وخت آ شائستہ پرویز ملک نا سوج انا ورندی ٹی پارلیمانی سیکرٹری پارے کہ حکومت جعل سازی کروک اوورسیز پروموٹرز آتا لیسنس آتے منسوخ کرینے۔ دابابت آگاہی کن گام گیج کننگ انگ ءِ۔ پروٹیکٹر آتیان بیدس پیشن ہِننگ آ پابندی خلنگانے و دانظام ءِ پین شفاف جوڑ کننگ اُن۔ اوپارے کہ ملک اسے تون حکومت آن حکومت نا کہول آ ملازم گدریفنگ نا معاہدہ اف۔ حکومت یاوزارت نا دا چرجوئی ٹی رول اس اف۔
