اسلام آباد(پاکستان پوائنٹ نیوز 03 -اگست 2016ء) بنجائی وزیر امور کشمیر و گلگت بلتستان چوہدری برجیس طاہر پارینے کہ پاکستان نا بیست کروڑ الس نا است کشمیری تتون اوار دھڑکک۔ پاکستان کشمیر نا ویل آ ہچ ءُ سمجھوتہ اس کپک۔ کراچی آپریشن نا سوب سندھ انا حالیت آک مست آن جوان ءُ۔ چارشنبے آ پارلیمنٹ ہاؤس نا پیشن میڈیا تون ہیت وگپ کرسا اوپارے کہ کشمیر کل قوم انا ویل ءِ۔
بھارتی وزیر داخلہ نا بننگ آن کشمیر نا ویل آ پرخ اس تمیپک پاکستان کشمیر نا ویل آ ہچ ءُ سمجھوتہ اس کپک۔ اوپارے کہ پاکستان ہر فورم آ کشمیری تا سفارتی و اخلاقی مخ تفی ءِ برجاء تخک۔ اسہ سوج اسینا ورندی ٹی اوپارے کہ کراچی آپریشن آن مچ آ سندھ و خاص کر کراچی ناحالیت آک مست آن جوان مسنووزیراعلیٰ سندھ تینا ٹیم انا کیپٹن ءِ۔ سندھ انا حالیت آتے پین گچین جوڑ کننگ کن رینجرز نا واک آتے مچ آ سندھ اسکان ودیکی تننگ نا گرج ءِ۔
