اسلام آباد(پاکستان پوائنٹ نیوز 02 -اگست2016 ء) پاکستان مسلم لیگ(ن) ءِ رہنما لیفٹیننٹ جنرل (ر) عبدالقیوم خانءَ گشتگ کہ پاکستان ءِ آجوئی ءِ روچءِ ماہ ءَ سکیورٹی فورس آں ملکی سیمسرانی حفاظت ء ِ ھاترءَ ھاسیں بندوبست کتگ۔ ریڈیو پاکستان ءَ گوں تران کتگء ُ آئی ءَ گشتگ کہ پاکستان مسلم لیگ ء ِ حکومت کہ جوڑ بوتگ گڑ ا جیڑھء ُ جنجال باز بوتگ اَنت کہ ایشانی تہا بلوچستانء ِ جاورھال ، سیمسری جیڑھ ء ُ ناشرکاری ءِ جیڑھء ُ جنجال ھوار بوتگ اَنت۔
آئی ءَ گشتگ کہ اے انوگیں حکومت ءِ سوبمندی اِنت کہ آ سیکیورٹی فورس ء ُ اُلس ءِ سرجمیں کمک ءَ چہ اے دراھیں جیڑھ ء ُ جنجالاں گِرء ُدار کنگءَ سوبمند بوتگ۔ لیفٹیننٹ جنرل (ر) عبدالقیوم خانءَ گشتگ کہ حکومت ء ُ سکیورٹی فورس آں ناشرکاری ءَ گرء ُ دار کنگءِ جزم کتگ ء ُ اے اپریشن تاں گڑی ناشرکارء ِ ھلاسیءَ جاری بیت۔ آئیءَ گشتگ کہ میاں اوستمانی براتیءَ ھم ناشرکاریء ِ ھلاپ ءَ پاکستانءِ کوشستاں ساڑاتگ ء ُ پاک فوج ھم اے جیڑھ ء ُ جنجالاں گِرء ُ دارکُت کنت۔
