اسلام آباد(پاکستان پوائنٹ نیوز 02 -اگست2016 ء) مزن وزیر محمد نواز شریف ءَ توانائی منصوبہ ءِ سرا کار ءِ پیشرفتءِ سرا تسلاءِ درشانی کنگ ءَ گشتگ انتکہ ھستیں حکومت توانائی ءِ قلت ءِ سرا دست گرگ ءِ ھاتر ءَ توانائی منصوبہ ءَ شریں وڑ ءَ کار مرز کنگ ءَ انت۔ آئی ءَ اے گپ سے شمبے ءَ مزن وزیر گِس ءَ توانائی ءِ برجاہ ءُُ آؤکیں منصوبہ ءِ چار ءُُ تپاس دیوان ءِ پاگواجہی کنگ ءَ کرتگ۔
مزن وزیر ءَ اے ازم ءِ عہد کرتگ کہ ماں وتی وھد ئے ھلاس ءَ ملک ءَ لوڈ شیڈنگ ھلاس بہ کناں۔ آئی ءَ گشتگ کہ اے گپ دلبڈی دنت کہ درستیں برجاہ توانائی منصوبہ جات کم ءَ چہ کم ممکنہ لاگت ءِ سرا سرجم کنگ ءَ انت۔ مزن وزیر ءَ پاک چین اقتصادی راہداری ءِ ردا توانائی ءِ منصوبہ ءِ سرا پیشرفت ءِ سرا ھاسیں زور دئیگ ءَ اے منصوبہ ءِ سرا کار ءِ رفتار با قاعدگی ءَ چار ءُُ تپاس گرگ ءِ پنت ءُُ شون کرتگ۔
مزن وزیر ءَ اے ہم پنت ءُُ شون کرتگ کہ ملکءَ درستیں توانائی منصوبہ ءِ سرا کار کنگءَ ساپ ءُُ پلگار جوڑ کنگ بیت۔ آئی ءَ گشتگ کہ مئے مکسد ملک ءَ توانائی ء قلت ءَ کم کنگی انت آئی ءَ بازیں سال آن گِسی ءُُ صنعتی مہلوک آماچ کرتگ انت۔ آئی ءَ گشتگ کہ ماں مہلوک ءَ نہ الما باز بلکں ارزان توان دئیگ ءِ ھاتر ءَ ہم پر ازم انت تنکہ آ ملک ءِ چارگردی ءُُ اقتصادی دیمروی ءَ بہر گپت بہ کن انت۔ دیوان ءَ وزیر کزانہ اسحاق ڈار، سر وزیر پنجاب شہباز شریف، وزیر آپ ءُُ توان خواجہ محمد آصف ، وزیر پیٹرولیم شاہد خاقان عباسی، سیکرٹری آپ ءُُ توان محمد یونس ڈھاگا ءُُ دومی سینئر حکام ءَ بہر زرت انت۔
