اسلام آباد (پاکستان پوائنٹ نیوز 02 -اگست2016 ء) صدر مملکت ممنون حسین پارینے کہ پاکستان و رومانیہ نا تعلقداری تین پہ تینی شرف آٹی ءِ و ہڑتوم آ ملک آتا خیال آتیٹی بھاز انگا بین الاقوامی معاملہ غاتیا یکسانیت خننگک۔ اوداہیت ءِ رومانیہ نا سبکدوش مروک آ سفیر ایملین آئن تون سے شنبے آ اوڑدہی نا وخت آ پارے۔ صدر مملکت پارے کہ پاکستان یورپی یونین نا تناظر اٹی رومانیہ تون تعلقداری تے بھاز اہمیت ایتک۔
اوپارے کہ ہڑتوم آ ملک آتا نیام اٹ بڑزکو کہولی ڈل آتا تین پہ تینی درشانی تا پین گرج ءِ تانکہ ساڑی آ تعلقداری تے مون آ دننگ مرے۔ اوپارے کہ ساڑی آ واپاری کچ لائخی آن کم ءِ ہراٹی ودکی کننگ مریک۔ صدر مملکت ہڑتوم آ ملک آتا تعلقداری تا گچینی و ودکی ٹی کوشست کننگ آ رومانیہ نا سفیر نا کڑد انا ستاءِ کرے۔ رومانیہ نا سبکدوش مروک آ سفیر تینا اڈکننگ نا وخت آ کمکاری آ حکومت پاکستان نا منت واری ءِ اداکرے۔ صدر مملکت اومیت ظاہر کرے کہ سفیر رومانیہ ہنسا پاک ۔رومانیہ تعلقداری تا پین گچینی کن ہم ہنداجوزہ تون کاریم کرسا کیک۔
