سوداگر آناں آسراتی دیاں ءُُ پاکستان 2050ءَ تاں دُگنیا ئے 18دھمی مستریں زرّی ملک جوڑ بیت، بُنجاھی وزیر ءِ ھزانگ سینیٹر محمد اسحاق ڈار ءِ جِندی ٹی وی چینل ءَ گلگدار

سوداگر آناں آسراتی دیاں ءُُ پاکستان 2050ءَ تاں دُگنیا ئے 18دھمی مستریں زرّی ملک جوڑ بیت، بُنجاھی وزیر ءِ ھزانگ سینیٹر محمد اسحاق ڈار ءِ جِندی ٹی وی چینل ءَ گلگدار

اسلام آباد (پاکستان پوائنٹ نیوز 02 -اگست2016 ء) بُنجاھی وزیر ءِ ھزانگ سینیٹر محمد اسحاق ڈار ءَ اے دل یکیمی ءِ درشان کُت کہ آیوکیں وھد ءَ پاکستان 2050ءِ سال ءَ تاں پاکستان دُگنیائے 18ھژدھمی مستریں زری ملک جوڑ بیت۔ یک جِندی ٹی وی چینل ئے ءَ گلگدار دیان ءَ آئی ءَ گوشت کہ ماں سُریں پُچوک ءِ مگراز ءِ سر ءَ چنگ ءِ روایت ءَ را گار کن آں نوں سوداگر آنی جیڈھ پہ آسری ھلاس کنگ بوھگ ءَ اَنت۔

آئی ءَ گوشت کہ ٹیکس آنی نظام آنی چار ءُُ تپاس ءِ ھاترا پرائیوٹ سیکٹر کمیٹی تالان کتگ اَنت ایشانی پسو آنی مارا ودار اِنت۔ آئی ءَ گوشت کہ ماں وتہ گپ ءُُ گال آنی پد ءَ کار کنگ ءَ آں، سوداگر ءُُ سرمایہ کار آناں توامیں رنگے کمک کنگ ءَ آں، شما اے ھوالگ ءَ پکوئیں گامگیج زات گند اِت۔ آئی ءَ گوشت کہ ٹیکس آنی تعلقداری بُنجاھی حکومت ءَ ءُُ کموک صوبگ آں چہ سیادی اِنت۔

اگاں ٹیکس آنی بابت ءَ مئے تپاکی یک وڑ بہ بیت گڈا اِچ سبب پشت نہ کپیت کہ ما گیشینتگیں وھد ءُُ پاس ءَ چہ پیسر دُگنیائے مستریں زرّی ملک آنی لڑ ءَ ھوار بہ کپ اَنت۔ وزیر ءِ ھزانگ ءَ اُمیت سہرا کُت کہ انرجی کرائی سِزّ 2018ءَ تاں ھلاس بنت۔ آئی ءَ گوشت کہ ھمے پیم امن ءُُ ایمنی ءِ تہ ءَ شرتِری پیداک اِنت، پاکستان سرمایہ کار آنی ھاترا ساپ ءُُ سلہ ایں جاھ ءِ جوڑ بوھگ ءَ اِنت۔

اسحاق ڈار ءَ گوشت کہ آئی ءَ ایوان ہائے صنعت و تجارت ءَ را گوشتگ کہ آ ٹیکس ءِ نظام ءَ جونتر جوڑ کنگ ءِ ھاترا وتی وتی سوج ءَ بدینت۔ ما توامیں وڑے کمک ءَ ساڑی اَنت۔ بُنجاھی وزیر ءَ گوشت کہ پی آئی اے ءَ نپ جم کنگ بندات کتگ، بلے آئی ءِ وام سی 30سال کوھنین اَنت۔ ھمے ھاترا پی آئی اے ءَ را گوشگ بوتگ کہ آ وت واجئی ءِ جُھد آں برجم بدار ایت۔ ٹی او آر ءِ جیڈھ آنی بابت ءَ اسحاق ڈار ءَ گوشت کہ چیا کہ ٹی او آر کمیٹی ءِ چیئرمین یا کنونئیر ایگ نہ اَنت ھمے ھاترا حکومت ءَ دارچین ءَ را گوشتگ کہ آ اے بابت ءَ دیوان ءِ گوانک بہ جن اَنت ، دیوان آیوکیں ھپتگ بوھگی اِنت۔

آئی ءَ گوشت کہ ما دیوان یکم اگست ءَ برجم دارگ ءِ گوشتگ اَت بلے اپوزیشن باسک آنی لستیں بے پائیدگیں پنگ آنی سبب ءَ آیوکیں ھپتگ ءَ بیت اِنت۔ بُنجاھی وزیر ءَ را وھد ءِ پی ٹی آئی ءِ جاک ءِ بابت ءَ جُست کنگ بوت گڈا آئی ءَ پسو دات کہ ایشاں چہ آر اِچ پرک نہ بیت۔ مرچی 2016ءِ پاکستان اِنت اُلس پیسر ءَ چہ گیش سوگو ءُُ سانا اِنت۔ ما توامیں جیڈھ آنی گیواری ءَ لوٹاں۔

آئی ءَ گوشت کہ پی ٹی آئی ءَ را معشیت ءِ بدل ءَ گورننس، تچکی ءُُ کرپشن ءِ سر ءَ سیاست کنگ لوٹیت۔ اسحاق ڈار ءَ گوشت پی ٹی آئی ءَ پیسرے جاک ءَ ملک ءَ را 100ارب ءِ تاوان داتگ نوں اے جیڈھ ءَ سر ءَ سنجیدگی ءَ کار کنگ لوٹیت ۔ آئی ءَ گوشت کہ مسلم لیگ (ن) توامیں کیاس گری ءَ ساڑی اِنت ، بلے ایش سڑک آنی سر ءَ مہ بیت چیا کہ ایش راجی نپ ءُّ معشیت ءِ جیڈھ اِنت۔ یک جُستے ءِ پسو ءَ آئی ءَ گوشت کہ بنی گالہ ءَ جوانیں رویہ کارمرد کُت گڈا مار آنی جاک ءَ چہ اِچ بُککّگ نہ اِنت۔ آئی ءَ گوشت کہ پاکستان سوئس حکومت ءَ گوں رابطہ ءِ تہ ءَ اِنت۔ آئی ءَ اُمیت سُہرا کُت کہ آ2017ءِ سال ءَ سوئس بینک آنی تہ ءَ ایر کتگیں پاکستانی آنی دولت ءِ بابت ءَ مالومداری حاصل کُت کنت۔