جامشورو، سیہون شریف نا 140 کلو میٹر سریس شاہراہ نا حالت بالکل درست ءِ ، شاہراہ ءِ اِرا رویہ کننگ کن پی سی ون ءِ تیار کننگ انگ ءِ

بنجائی وزیر پارلیمانی امور شیخ آفتاب احمد نا قومی اسمبلی ٹی توجوہ مبذول نوٹس آ ورندی

جامشورو، سیہون شریف نا 140 کلو میٹر سریس شاہراہ نا حالت بالکل درست ءِ ، شاہراہ ءِ اِرا رویہ کننگ کن پی سی ون ءِ تیار کننگ انگ ءِ 
بنجائی وزیر پارلیمانی امور شیخ آفتاب احمد نا قومی اسمبلی ٹی توجوہ مبذول نوٹس آ ورندی

اسلام آباد(پاکستان پوائنٹ نیوز 02 -اگست2016 ء) بنجائی وزیر پارلیمانی امور شیخ آفتاب احمد پارینے کہ جامشورو ، سیہون شریف نا 140کلو میٹر سریس شاہراہ نا حالیت بالکل درست ءِ ، داشاہراہ ءِ اِرا رویہ کننگ کن پی سی ون ءِ تیار کننگ انگ ءِ ۔ سے شنبے آ قومی اسمبلی نا دیوان اٹی عمران ظفرلغاری نا جامشورو، سیہون شریف، قومی شاہراہ نا خستہ حالی نا بابت آن توجوہ مبذول نوٹس نا ورندی ءِ ترسا بنجائی وزیر پارے کہ 140 کلومیٹر سریس شاہراہ نا حالیت بالکل درست ء۔

این ایچ اے نا کمامدارآک فاضل باسک آتے دورہ کرفنگ کن تیار ءُ۔ البتہ داہیت راست ءِ کہ سنگل سڑک مننگ نا سوب ہموڑے حادثہ غاک مریرہ۔ داشاہراہ ءِ اِرا رویہ کننگ کن پی سی ون ءِ تیار کننگ انگ ءِ۔ داشاہراہ غا موٹروے پولیس نا نفری ٹی ودکی کن ہم سمری وزارت مواصلات آ گدریفینون۔ توجوہ مبذول نوٹس آ عمران ظفرلغاری، عبدالستار باچانی، محمد ایاز سومرو و نواب محمد یوسف تالپور نا سوج آتا ورندی ٹی بنجائی وزیر شیخ آفتاب احمد پارے کہ ٹریفک حادثہ غاتے توننگ کن سڑک ءِ اِرارویہ کننگ نا ڈٹ بندی کننگانے۔

اسہ پین سوج اسینا ورندی ٹی اوپارے کہ نیشنل ہائی وے نا کنڈآن سندھ ٹی شاہراہ تیا خڑچ آک ورندی ءِ ایترہ ۔ تدوک آ دے آئی جی موٹروے پولیس ءِ جامشورو ، سیہون شریف شاہراہ غا نفری ءِ ودفنگ نا پارت کننگانے۔