وزیراعظم محمد نوازشریف نا پاک بحریہ نا سروک ایڈمرل محمد ذکاء اللہ تون اوڑدہی ٹی ہیت وگپ

وزیراعظم محمد نوازشریف نا پاک بحریہ نا سروک ایڈمرل محمد ذکاء اللہ تون اوڑدہی ٹی ہیت وگپ

اسلام آباد۔(پاکستان پوائنٹ نیوز 02 -اگست2016 ء) وزیراعظم محمد نواز شریف پارینے کہ حکومت ہر وڑنا خلیس آتا گچین دفاع و قومی سلامتی کن پاک بحریہ ءِ اسہ جدید سوگو فورس اس جوڑ کننگ کن ہروڑنا گام گیج چست کیک۔ اوداہیت ءِ پاک بحریہ نا سروک ایڈمرل محمد ذکاء اللہ تون سے شنبے آ ایوان وزیراعظم اٹی ہیت وگپ کرسا پارے۔ نیول چیف وزیراعظم ءِ پاک بحریہ نا کسبی معاملہ غاتیان بابت معلومدار کرے۔

اوپارے کہ پاکستان نیوی اہم میری ٹائم انفراسٹرکچر نا رکھ و ہروڑنا خلیس آتا برخلاف ملک انا دفاع ءِ باوری جوڑ کننگ کن تیار و جوان وڑاٹ لیس ءِ ۔ وزیراعظم محمد نواز شریف ملک انا سمندری دنگ انا رکھ اٹی پاک بحریہ نا کڑدانا ستاءِ کرے۔ اوپارے کہ پاکستان نیوی نا دفاعی لائخیک قومی دفاع و سلامتی کن بے کچ اہمیت تخرہ۔