فوجداری کانود(ترمیمی ) بل 2016ء قومی اسمبلی ٹی پیش

اسلام آباد۔(پاکستان پوائنٹ نیوز 02 -اگست2016 ء) فوجداری کانود(ترمیمی ) بل 2016ء ءِ قومی اسمبلی ٹی پیش کننگا ہرانا رداٹ چناتتون بیدادی نا سزا عمر قید یا سزائے موت مقرر کننگ نا صلاح تننگانے ۔ سے شنبے آ قومی اسمبلی نا دیوان نا وخت آ مسرت احمد زیب تحریک پیش کرے کہ فوجداری کانود(ترمیمی )بل 2016ء ءِ پیش کننگ نا موکل تننگے ۔ اوپارے کہ بل انا منظوری آن چناتتون بیدادی کروک آتے پاہو یا عمر قید نا سزابایدے ملے۔ ساڑی آ کانود نا رداٹ داسزا صرف ہفت سال ءِ۔ وزیر کانود زاہد حامد بل انا مخالفت ءِ کتو۔ ایوان آن تحریک نا منظوری آن گڈ مسرت احمد زیب بل ءِ ایوان اٹی پیش کرے۔