اسلام آباد۔(پاکستان پوائنٹ نیوز 02 -اگست2016 ء) پارلیمانی سیکرٹری خور و کشت و کشار رجب علی بلوچ پارینے کہ باردانہ غاتا منصفانہ بشخ و پانٹ نا بابت کمیٹی اس اڈتننگانے ، 72ہزار آن زیات کشارگر آتے 215بنجاتیان 100 درسد منصفانہ وڑاٹ باردانہ بشخ وپانٹ کننگانے، ثبوت پیش کننگ آ ناانصافی کروک آتے عبرت نا نشانہ جوڑ کینہ۔ سے شنبے آ قومی اسمبلی نا دیوان اٹی چوہدری نذیر احمد نا کشارگر آتے باردانہ نا فراوانی تیٹی گھپلہ غاتیان بابت توجوہ مبذول نوٹس نا ورندی ءِ ترسا اوپارے کہ کشارگرآتے باردانہ اسہ آب اسینا رداٹ تننگک۔
کشارگر آتا ریونیو ریکارڈ ءِ پنجاب حکومت ءِ تروئی ئسک اوکان گڈ باردانہ غاتا منصفانہ بشخ وپانٹ انا بابت کمیٹی اس اڈ ہلک۔ مچ آملک اٹی 215سینٹر اڈ ہلوک ءُ و 72ہزار آن زیات کشارگر آتیٹی باردانہ بشخ وپانٹ مس ۔ اوپارے کہ باردانہ غاک سد درسد میرٹ آ بشخ وپانٹ مسنو اوفتے ٹی ہچ ءُ ناانصافی اس متنے ، واہم اگہ اسمبلی نا باسک آک است جم افس تو نن ہم است جمی ظاہر کننگ کپنہ۔
توجوہ مبذول نوٹس آ چوہدری نذیر احمد ، ملک شاکر بشیر اعوان ، سعید احمد خان و شیخ فیاض الدین نا سوج آتا ورندی ٹی پارلیمانی سیکرٹری رجب علی بلوچ پارے کہ نن ایوان اٹی پاسکو نا کنڈآن تروک آ معلومداری تے تسونن۔ پاسکو نا پاننگ ءِ کہ بنجائی محتسب و عدالت آتیٹی اسہ کشارگر اس ہم تینا غاو انا ثبوت اس پیش کننگ کتو۔ اگہ فاضل باسک اسے تون ٹھوس ثبوت اس ارے تو او وزارت ءِ معلومدار کے نن پاسکو تون سلنگ آن بیدس اوفتے تون سلنہ ہراکہول انا انکوائری داخوار نن کرفنگ کن تیار اُن۔
اسہ پین سوج اسینا ورندی ٹی پارلیمانی سیکرٹری پارے کہ پاسکو ٹی رائج وڑوڈول ءِ بدلیفنگ نا گرج ءِ۔ ریونیو نا ریکارڈ اٹی بے ایمانی کننگک۔ اونا کاغدی کارروائی آ ہچ گہس اودے ہلنگ کپک۔ باردانہ غاتا بشخ وپانٹ نا ساڑی آ وڑوڈول بایدے بدل مرے۔ خولم نا ہلنگ نا بایدے پوسکن ءُ میکنز م اس جوڑ مرے۔ اسپیکر پارے کہ دامعاملہ ٹی وزارت نا بے وسی نظر بننگ ءِ۔
نن نیزگار کشارگرآتے پھسائنگ انگ کن ہلیپنہ۔ وزارت خور وکشت و کشار و توجوہ مبذول نامحرک آک 15دے اٹی رپورٹ ایتر۔ اوکان گڈ دامعاملہ ءِ ایف آئی اے یا نیب آ گدریفنہ۔ رجب علی بلوچ پارے کہ داہیت انا موکل تننگے کہ ہر باسک دامعاملہ ٹی تینا خذمت آتے پیش کننگ کیک۔ اسپیکر پارے کہ پیپلز پارٹی، جے یو آئی (ف) ، پی ٹی آئی تون اوار سیاسی جماعت آک اسہ اسہ باسک اسینا پن ایتر۔
