بنجائی وزیر میاں ریاض حسین پیرزادہ پاکستان سپورٹس کمپلیکس اٹی نیال اس خلسا شجرکاری نا بناءِ کرے

اسلام آباد (پاکستان نیوز پوائنٹ 24فروری2016ء) بنجائی وزیر بین الصوبائی رابطہ امور میاں ریاض حسین پیرزادہ تدو ک آدے پاکستان اسپورٹس کمپلیکس، اسلام آباد اٹی نیال اس خلسا شجرکاری مہم نا باقاعدہ بناءِ کرینے، داوخت آ پاکستان اسپورٹس بورڈ نا ڈائریکٹر جنرل ڈاکٹر اختر نواز گنجیرو سلاہکار وزیراعلیٰ پنجاب ملک مہربان ئسک ہم ساڑی ئسر، ملک مہربان 2000 چندی نیال عطیہ نا وڑاٹ تس وخت اس کہ اسہ غیر سرکاری تنظیم ہم دامسخت کن اسہ ہزار نیال عطیہ کرے۔ بنجائی وزیر داوخت آ ملازم آتا کاریم نا ستاءِ کرسا داہیت آ زورشاغا کہ سرسوز و شاداب چاگڑد جوان ءُ جان جوڑی اسے کن بھاز المی ءِ۔