ڈیرہ مراد جمالی ، منجھوشوریٰ ٹی سیاہ کاری نا دوبہ ٹی اسہ بندغ اسینا خون ءِ کننگا

ڈیرہ مراد جمالی(پاکستان پوائنٹ نیوز۔ یکم اگست۔2016ء) ڈیرہ مراد جمالی نا علاقہ منجھو شوریٰ نا ہند آ سیاہ کاری نا دوبہ ٹی سم کاری کرسا اسہ بندغ اسینا خون ءِ کریر۔ پولیس نا رداٹ دوشنبے نا دے نصیر آباد نا علاقہ منجھوشوریٰ نا دنگ گوٹھ رحیم بخش اٹی سیاہ کاری نا دوبہ ٹی سلہہ بند بندغ آک سم کاری کرسا جان بیگ پنی ءُ بندغ اسیناخون ءِ کریر دوبہ دارآک نرنگ اٹی سرسہب مسر۔ پولیس ءِ احوال ملنگ تون جاگہ غا سرمرسا لاش ءِ ہندی ہسپتال آ گدریفیر ہراڑے المی کارروائی آن گڈ لاش ءِ اوفتا وارث آتا حوالہ کریر۔ چچ کرسا دوبہ دارآتا پٹنگ نا بناءِ کرینے۔