وزیراعظم محمد نواز شریف تون پاک فضائیہ نا سروک چیف مارشل سہیل امان نا اوڑدہی

وزیراعظم محمد نواز شریف تون پاک فضائیہ نا سروک چیف مارشل سہیل امان نا اوڑدہی

اسلام آباد (پاکستان پوائنٹ نیوز۔ یکم اگست۔2016ء) وزیراعظم محمد نواز شریف ملک انا فضائی سیم تا رکھ و خاص کر دہشت گرد آتا ٹھکانہ غاتا صفایا ءِ کننگ اٹی پاک فضائیہ نا کڑد انا ستاءِ کرینے۔ او دوشنبے آ پاک فضائیہ نا سروک ایئر چیف مارشل سہیل امان تون ہیت وگپ کریکہ ہراایوان وزیراعظم اٹی اوڑتون اوڑدہی کرے۔ وزیراعظم جاری آپریشن ضرب عضب اٹی دہشت گرد آتا ٹھکانہ و رکھوک ہندآتے بھس کننگ اٹی پاکستان ایئر فورس نا خذمت آتا ستاءِ کرے۔

ایئر چیف وزیراعظم ءِ پاک فضائیہ نا پیشہ وارانہ مہارت و آپریشنل تیاری نا بارواٹی معلومدار کرے۔ وزیراعظم پارے کہ تاریخی وڑاٹ پاک فضائیہ قومی سلامتی ءِ مون تروک خلیس آتا ہمیش گچین ورندی تسنے۔ اوپارے کہ پاک فضائیہ نا مہارت بے مثل ءِ۔ اوپارے کہ داہیت است بڈ ءِ کہ پاکستان ایئر فورس نا روایتی کڑدبدلینگوک آ گرج و ٹیکنالوجی نا پٹ اٹی پیش ہائے رفت انا رداٹ پوسکن ءُ جہت اختیار کرینے۔