خیبرپختونخوا ، بڑزکو پنجاب، اسلام آباد، فاٹا و کشمیر اٹی جاگہ جاگہ ہورہ و گروک تون اوار پِر انا گمان

اسلام آباد۔(پاکستان پوائنٹ نیوز۔ یکم اگست۔2016ء) محکمہ موسمیات نا رداٹ بروک آ 48گھنٹہ غاتاوخت آ خیبر پختونخوا ، بڑزکو پنجاب، اسلام آباد، فاٹا وکشمیر اٹی جاگہ جاگہ وخت اس کہ ژوب، بہاولپور، میر پورخاص ڈویژن اٹی گڑاس ہند آتیا ترند تہوو ہورہ و گروک تون اوار پرانا گمان ءِ وخت اس کہ داوخت آ گڑاس ہند آتیا ترونگڑ نا ہم گمان ارے و سندھ و مکران نا کرکی علاقہ غاتیٹی ہم پڑی پڑی پر انا اومیت ارے۔

رپورٹ نا رداٹ ملک انا ایلو علاقہ غاتیٹی موسم باسن و مرطوب سلک۔ محکمہ موسمیات نا رداٹ تدوک آ 24گھنٹہ غاتاوخت آ ملک انا گیشتر علاقہ غاتیٹی موسم باسن و مرطوب سلیس۔ واہم گوجرانوالہ، فیصل آباد، مالاکنڈ، ہزارہ ، و فاٹا ٹی گڑاس ہند آتیا ہورہ و گرو تون پِر مس۔ غٹ آن زیات پر منڈی بہاؤالدین اٹی 12ملی میٹر، ٹوبہ ٹیک سنگھ 8، گوجرانوالہ3، فیصل آباد، جھنگ اسٹ، دیر 5، بالاکوٹ 2، کالام اسٹ و پاراچنار اٹی5ملی میٹر پرریکارڈ کننگانے۔