اسلام آباد۔(پاکستان پوائنٹ نیوز۔ یکم اگست۔2016ء) پنی جاچکار ڈاکٹر پرویز اقبال چیمہ پارینے کہ جہانی برادری مقبوضہ کشمیر اٹی بھارتی بیدادی تیا چپ ءِ ۔ ریڈیو پاکستان تون ہیت وگپ کرسا اوپارے کہ بھارتی فوج کودک کشمیری تیا ظلم کننگ اٹی ءِ و داوخت اسکان 60کشمیری شہید و 2ہزارآن زیات ٹھپی مسنو۔ اوپارے کہ کودک کشمیری تیا نام نہاد جمہوریت نا ظلم آتیا ہراسٹ افسوز کننگ ءِ واہم جہانی برادری چپ ءِ۔
ڈاکٹر پرویز اقبال پارے کہ مقبوضہ کشمیر اٹی بھارتی ظلم آتیا کشمیریک سراپا احتجاج کننگ ءُ و بھارتی فوج کشمیری تیا سم خلنگ تون اوار اوار اوفتے دزگیر ہم کننگ ءِ۔ اوپارے کہ مقبوضہ کشمیر اٹی جاری ریاست دہشت گردی آ امریکہ گڑتی نا درشانی ءِ کرسا پارینے کہ داویل ءِ زوت ایسر کننگ نا گرج ءِ۔ کشمیر نا ویل آ پاکستان نا مخ تفی نا بابت آن چست کروک آ اسہ سوج اسینا ورندی ءِ ترسا اوپارے کہ پاکستان کشمیری تا اخلاقی و سیاسی مخ تفی ءِ برجاء تخک۔
