اسلام آباد (پاکستان پوائنٹ نیوز۔ یکم اگست۔2016ء) بین الاقوامی تعلقات عامہ نا چاہندار ڈاکٹر منظورآفریدی پارینے کہ پاک چین اقتصادی راہداری ڈٹ آن ڈیہہ نا ملک آتون اوار غٹ ملک آتے فائدہ دوئی مریک۔ ریڈیو پاکستان نا پروگرام نقطہ نظراٹی ہیت وگپ کرسا اوپارے کہ پاک چین اقتصادی راہداری گیم چینجر ڈٹ اسے و داڈٹ انا بروخت پوروی نا پبی کوشست کننگ انگ ءِ ۔
اوپارے کہ دا ڈٹ انا پوروی نا وخت آ سیکورٹی نا غٹ تر زمہ واری ءِ پاک فوج ہلکونے و آرمی چیف نا پاننگ ءِ کہ او داچرجوئی ٹی غٹ تر چیلنج آتون مون تننگ کن تیار ءِ۔ ڈاکٹر منظور آفریدی پارینے کہ دا ڈٹ انا زوت پوروی آن ہڑتوم آ ملک آتون اوار ڈیہہ نا ملک آتیٹی شون بریک و بے روزگاری نا خاتمہ مریک۔ اومستی پارے کہ پاک چین اقتصادی راہداری ڈٹ انا پوروی آن سویلی و نیامی ایشیا نا ملک آتون اوار ایلو ملک آتے ہم فائدہ دوئی مریک۔
