کوئٹہ، کیچی بیگ اٹی موٹرسائیکل سوارآتا سم کاری، لیویز کارندہ اس تپاخت کرے

کوئٹہ۔ (پاکستان پوائنٹ نیوز۔ یکم اگست۔2016ء) کوئٹہ نا علاقہ سریاب روڈ کیچی بیگ اٹی نادرست سلہہ بند موٹرسائیکل سوارآک سم کاری کرسا لیویز کارند اسے تپاخت کریر۔ پولیس نا رداٹ یک شنبے و دوشنبے نا نیامی نن آ کوئٹہ نا علاقہ سریاب روڈ کیچی بیگ پولیس تھانہ نا دنگ اٹی نادرست سلہہ بند موٹرسائیکل سوارآک لیویز کارندہ محمد عارف نا خون ءِ کریر دوبہ دارآک موقع واردات آن نرنگ اٹی سرسہب مسر۔ پولیس ءِ احوال ملنگ تون جاگہ غا سرمرسا لاش ءِ ہندی ہسپتال آ گدریفیر ہراڑے المی کارروائی آن گڈ لاش ءِ اوفتا وارث آتا حوالہ کریر۔ پولیس علاقہ نا ناکہ بندی ءِ کرسا دوبہ دارآتا پٹنگ نا بناءِ کرینے۔