اسلام آباد (پاکستان پوائنٹ نیوز۔30 جولائی۔2016) الیکشن کمیشن ءَ سندھ ءِ بازیں دمگاں زالبول ، محنت کش،غیر مسلم ء ُ ورناھانی ھاترءَ بلدیاتی ادارگ آنی تہا نشستانی سرءَ اُمیت وارانی سوبمندی ءِ نوٹیفیکیشن جاری کتگ۔ الیکشن کمیشن ء ِ نیمگءَ چہ شمبے ءِ روچءَ جاری کتگیں نوٹیفیکیشن ءِ تہا گشگ بوتگ کہ بلدیاتی گچین کاری ءِ تہا سندھ ءِ بازیں دمگاں ڈسٹرکٹ کونسل، میونسپل کمیٹی، ٹاؤن کمیٹی ، میونسپل کارپوریشنز، ڈسٹرکٹ میونسپل کارپوریشنز ء ُ میٹروپولیٹن کارپوریشنز ءِ تہا زالبول ، محنت کش ، درمسلم ء ُ ورناھانی ھاترءََ ایر کتگیں نشستانی سرءَ بلدیاتی گچین کاریءِ تہا سوبمند بوتگیں اُمیت وارانی نامانی جار جتگ۔
الیکشن کمیشن ء ِ نیمگءَ چہ بدین، دادو، گھوٹکی، حیدر آباد، جیکب آباد ، جامشورو، قمبرشہداد کوٹ ، کراچی، کشمور، خیرپور، لاڑکانہ، ملیر ، مٹیاری، میرپورخاص ء ُ نوشہرو فیروز ءَ سوبمند بوتگیں اُمیت وارانی نوٹیفیکیشن جار ی کنگ بوتگ۔
