اسلام آباد ۔(پاکستان پوائنٹ نیوز۔30 جولائی۔2016) مسلم لیگ (ن) آزاد کشمیر ءِ جنرل سیکرٹری شاہ غلام قادر گرانیں پھلہ مرزی ءَ چہ آزاد کشمیر کانود جوڑ کنوکیں اسمبلی ءِ دارچین گچین بوتگ۔ آئی ءَ وتی سیٹے سوگند چست کُت ۔ یک شمبے ءَ کانود جوڑکنوکیں اسمبلی ءِ پیسریگیں دارچین سردار غلام صادق ءِ پاگواجئی ءَ دیوان ءِ ساھت ءَ نوکیں دارچین گچین کنگ بوت۔
دُرستیں ایوان ءِ 49باسک آنی تہ ءَ 48باسک آں وتی ووٹ کارمرد کُت ۔ نوکیں گچین بوتگیں دارچین شاہ غلام قادر ءَ 39ووٹ گپت ءُُ باج برئی کُت۔ ایشی ءِ دیمے اوشتاتگیں پیپلز پارٹی ءِ عامر عبدالغفار ءَ 4ووٹ ءُُ مسلم کانفرنس ءِ ملک نواز ءَ 3ووٹ گپتگ، دو ووٹ رد کنگ بوت۔ سیٹ ءَ چہ ایر آیوکیں دارچین سردار غلام صادق ءَ نوکیں گچین بوتگیں دارچین ءَ را سوگند گپتگ۔
شاہ غلام قادر ءَ ایوان ءِ شُگر گپت ءُُ گوشت کہ آجُھد کنت کہ ایوان ءَ جوانتریں رنگے ءَ بہ چلائین ایت۔ آئی ءَ گوشت کہ حکومت ءُُ اپوزیشن ءِ باسک آنی شرپ ءُُ اِزت آئی سر ءَ المی اَنت، آئی ءَ گوشت کہ اُمیت اِنت کہ ایوان ءَ را نوکیں ءُُ جوانتریں رپکے ءَ چلائینگ ءَ باسک کمک کن اَنت۔ آئی ءَ گوشت کہ آ کانود ءِ پابند بیت ءُُ دیم ءَ جُنز ایت تاں نظام جوانتریں رنگے ءَ بہ چل ایت۔
