اسلام آباد (پاکستان پوائنٹ نیوز 21 مئی 2018ء) بروک آ مالی سال 2018-19 ء نا بجٹ اٹی سرکاری بشخ انا شونداری پروگرام (پی ایس ڈی پی) نا رداٹ بلوچستان اٹی مواصلات ، جان جوڑی ، تعلیم و دیر انا فراوانی کن 50 ارب روپئی آن زیات نا فنڈ جتا کننگانے۔ پی ایس ڈی پی نا رپورٹ نا رداٹ مواصلات نا بشخ اکن پی ایس ڈی پی نا رداٹ بلوچستان کن جتا کروک فنڈ آتا22.8 درسد و جان جوڑی کن 9.80 درسد بشخ تخنگانے۔
رپورٹ نار داٹ بنجائی حکومت بلوچستان اٹی الس نا شونداری کن جامع گام گیج کننگ ءِ و بروک آ مالی سال انا بجٹ اٹی صوبہ بلوچستان اٹی مواصلات نا بشخ اکن 20.19 ارب روپئی ، تعلیم کن 12.45ارب روپئی، دیر انا فراوانی کن 8.81 ارب روپئی و جان جوڑی نا بشخ اکن 8.65 ارب روپئی جتا کننگانے وخت اس کہ مندرجہ بالا چار بشخ آتے کن جم وڑاٹ 50.10 ارب روپئی تخنگانے۔
