ہلیری کلنٹن ڈیموکریٹک پارٹی دی صدارتی امیدوار نامزد

فلاڈیلفیا (پاکستان پوائنٹ نیوز۔27 جولائی۔2016) امریکا دی سابق وزیرِ خارجہ ہلیری کلنٹن ملکی تاریخ اچ پہلی واری کہیں اکثریتی جماعت ولوں تریمت صدر نامزدگی دا اعزاز حاصل کر گھدا ہے ۔برطانوی نشریاتی ادارے دے مطابق ہیلری کلنٹن فلاڈیفلفیا اچ منعقد تھیونڑ آلے ڈیمو کریٹک پارٹی دے کنونشن دے دوران تھیونڑ آلی ووٹنگ دے نتیجے اچ 2382ووٹ گھدے ہن ۔برنی سینڈرز جنہاں ڈیمو کریٹک پارٹی دے صدارتی امید وار بنڑنڑ سانگے ہیلری کلنٹن دی حمایت دا اعلان کیتا ہا انہاں جماعت دے اتحاد دی علامت دے طور تے سٹیج تے آتے ہیلری دی نامزدگی دا اعلان کیتا ہا ۔نومبر اچ تھیونڑ آلے صدارتی انتخابات اچ ہنڑ ہیلری دا مقابلہ ریپبلکن پارٹی دے صدارتی امید وار ڈونلڈ ٹرمپ نال تھیسی