ایران دے سابق صد ہاشمی رفسنجانی دی نمازجنازہ ادا کیتی گی،نمازجنازہ اچ لکھاں لوکاں دی شرکت

تہران (پاکستان نیوز پوائنٹ 10جنوری2016ء) ایران دے سابق صدر آیت اللہ ہاشمی رفسنجانی دی نمازجنازہ منگل کوں ادا کیتی گی۔ایرانی میڈیا دے مطابق رھبر انقلاب اسلامی آیت اللہ سید علی خامنہ ای دی امامت اچ سویل تہران یونیورسٹی اچ مرحوم آیت اللہ ہاشمی رفسنجانی دی نماز جنازہ ادا کیتی گی جیں اچ صدر ، پارلیمنٹ دے اسپیکر، عدلیہ دے سربراہیں ، کابینہ دے ارکان، آیات عظام، علماءکرام ،ایران دی سیاسی تے مذھبی شخصیات اتے لکھاںدی تعداد اچ لوکاں شرکت کیتی۔ نماز جنازہ دے بعد آیت اللہ ہاشمی رفسنجانی دے جسد خاکی کو ںحرم حضرت امام خمینی اچ سپرد خاک کیتا ویسی۔ ہاشمی رفسنجانی اتوار کوں دل دا دورہ پوونڑ دی وجہ توں تہران اچ 82 سال دی عمر اچ انتقال کر گے ہن۔