واشنگٹن (پاکستان نیوز پوائنٹ 24اگست 2016ء) امریکی صدر براک اوباما ملک دی جنوب مشرقی ریاست، لوزیانا دا پہلا دورہ کیتا جتھاں تریخ دی شدید سیلابی صورت حال دے نتیجے وچ ریاست دے جنوبی حصے وچ تباہی تھئی ہے۔صدر سیلاب نال متاثرہ لوکاں کوں یقین ڈیوایاجوا±نہاں دی انتظامیہ آفت زدہ علاقے دی بحالی کوں اپنڑی پہلی ترجیح قرار ڈتا ہے۔اوباما آکھیا جو ا±نھاں بیتن روج دے مشرقی مضافات وچ سیلاب زدہ علاقے دا دورہ کیتا۔
ا±نہاں دے الفاظ وچ ”تساںاپنڑے آپ کوں کلھا نہ سمجھو۔ جڈاں ٹیلی ویژن کیمرے موجود نہ وی ہوسن، پورا ملک تساڈی مدد جاری رکھیسی“۔اوباما اعلان کیتا جو لوزیانہ دے سیلاب زدہ 64 علاقیاں وچوں 20 کوں آفت زدہ قرار ڈتا گئے ، جنھاں کوں عملی طور تے وفاقی امداد فراہم کرنڑ دا عمل جاری ہے۔فیڈرل ایمرجنسی منیجمنٹ ایجنسی (ایف اِی ایم اے) ڈسایا ہے جو 115000 بندیاں وفاقی مالی امداد سانگے اندراج کرایا ہے اتے ہنڑ تئیں 12 کروڑ 70 لکھ ڈالر دی وختی امداد دستیاب ہے۔نال ای، 700 بندیاں کوں کو ہوٹلاں وچ عارضی رہائشی سہولتاں وی ڈتیاں ویسن ۔
