اسلام آباد (پاکستان نیوز پوائنٹ 20ستمبر 2016ء) 8 رکنی قومی کبڈی ٹیم ایشین بیچ گیمز وچ سانگے (اج) بدھ کوں اسلام آباد توں ویتنام روانہ تھیسی۔ پاکستان کبڈی فیڈریشن دے سیکرٹری محمد سرور دے مطابق ایشین بیچ گیمز 23 ستمبر توں 4 اکتوبر تئیں ویتنام وچ کھیڈی ویسی جیندے وچ 6کھلاڑی اتے 2 آفیشلز پاکستان دی نمائندگی کریسن۔ کھلاڑیاں وچ ناصر علی، اخلاق حسین، کاشف، ابرار حسین، عمران اتے ارسلان شامل ہن جڈانجو افیشلز وچ میجر نبیل رانا کوچ اتے محمد رمضان بطور منیجر ٹیم دے کٹھے ہوسن۔
انہاں آکھیا جو ایونٹ دی تیاری سانگے قومی کھلاڑیاں دا تربیتی کیمپ پاکستان سپورٹس کمپلیکس اسلام آباد وچ جاری ہے اتے انہاں کوں کوچ جدید اتے اعلیٰ معیار دی تربیت ڈیندے پن۔ سیکرٹری آکھیا جو ایونٹ وچ پاکستان سمیت ایران، بھارت، سری لنکا، کوریا، نیپال، ملائیشیائ، بنگلہ دیش اتے ترکمانستان شرکت کریسن۔ساریاں ٹیماں وچال کانٹے دار مقابلیاں دی توقع ہے۔
