نیوزی لینڈ دا پاکستان دے خلاف ڈوجھے اتے چھیکڑی ٹیسٹ میچ سانگے15 رکنی سکواڈ دا اعلان، جمی نیشم دی جاہ تے مچل سینٹنر ٹیم وچ شامل

ہیملٹن (پاکستان نیوز پوائنٹ 22نومبر2016ء) نیوزی لینڈ پاکستان دے خلاف ڈوجھے اتے چھیکڑی ٹیسٹ میچ سانگے 15 رکنی سکواڈ دا اعلان کر ڈتے، آل راﺅنڈر مچل سینٹنر کوں جمی نیشم دی جاہ تے ٹیم وچ شامل کر گھدا گئے، سنیئر بلے باز روس ٹیلر دی میچ وچ شرکت فٹنس نال مشروط ہے،ا وہ کھبی اکھ دی تکلیف وچ مبتلا ہن۔ نیوزی لینڈ کرکٹ بورڈ دی سلیکشن کمیٹی ولوں اعلان کیتے گئے سکواڈ وچ کین ولیمسن (کپتان)، ٹوڈ ایسٹل، ٹرینٹ بولٹ، کولن ڈی گرینڈہوم، میٹ ہینری، ٹام لیتھم، ہینری نکولس، مچل سینٹنر، جیت راول، ٹم ساﺅدی، روس ٹیلر، نیل ویگنر، بی جے واٹلنگ اور ڈین براﺅنلی شامل ہن۔ نیوزی لینڈ اتے پاکستان وچال ڈوجھا اتے چھیکڑی ٹیسٹ 25 نومبر توں شروع تھیسی، میزبان ٹیم کوں سیریز وچ 1-0 دی برتری حاصل ہے۔