ہرارے (پاکستان نیوز پوائنٹ 18نومبر2016ء) ترائے ملکی ون ڈے کرکٹ سیریز زمبابوے وچ جاری ہے، سیریز دا تریجھا میچ (اج) ہفتے کوں زمبابوے اتے ویسٹ انڈیز دیاں ٹیماں وچال ہرارے سپورٹس کلب وچ کھیڈیا ویسی۔ تفصیلات دے مطابق زمبابوے وچ جاری تارئے ملکی سیریز وچ سری لنکن ٹیم میزبان ٹیم کوں افتتاحی میچ وچ ہرا تے ایونٹ دا فاتحانہ آغاز کیتا ہا اتے بونس پوائنٹ وی حاصل کیتے۔
ترائے ملکی سیریز دا تریجھا میچ اج ہفتے کوںزمبابوے اتے ویسٹ انڈیز وچال کھیڈیا ویسی، 21 نومبر کوں چوتھے میچ وچ زمبابوے اتے سری لنکا دیاں ٹیمیں آمنڑے سامنڑے تھیسن، 23 نومبر کوں سیریز دے پنجویں میچ وچ سری لنکا دا مقابلہ ویسٹ انڈیز نال تھیسی جڈانجو 25 نومبر کوں شیڈول سیریز دے چھیویں اتے چھیکڑی میچ وچ زمبابوے اتے ویسٹ انڈیز دیاں ٹیماں وچال میچ تھیسی۔
