اسلام آباد (پاکستان نیوز پوائنٹ 17نوری2016ء) چیئرمین سینٹ میاں رضا ربانی آکھیا جو پی آئی اے دی اعلیٰ انتظامیہ دیاں تنخواہیں لکھاںاچ ہن' تلویں گریڈ دے ملازماں کوں چھی چھی مہینے دیاں تنخواہی توںمحرو م ہن تے الائونس کائنی ملدے پے ایندا نوٹس گھدا ونجنڑاں چاہیدا ہے ۔منگل کوں ایوان بالا دے اجلاس اچ سوالاں دے وقفے دے دوران چیئر مین سینیٹ آکھیا جوپی آئی اے دے قائم مقام چیف ایگزیکٹو افسر دیاںتنخواہیں 30 لکھ ڈالر توں ودھ ' ایگزیکٹو ڈائریکٹر ایچ آر ' ڈائریکٹر کسٹمر کیئر ' چیف آف انفارمیشن ٹیکنالوجی اتے لیگل کنسلٹنٹ دی تنخواہ 12لکھ روپے ہے جڈاں جو الائونسز ایندے علاوہ ہن ۔
انہاں آکھیا جو اے کتنی عجیب گالھ ہے جو اعلیٰ انتظامیہ دیاں تنخواہیں تاں لکھاں اچ ہن جڈاں جو کیبن کریو اتے تلویں گریڈ دے ملازماں کوں پچھلے چھی ست مہینے توں تنخواہیں تے الائونس کائنی ملدے پے۔ کیبن کریو کوں چھی مہینے دا فارن فلائنگ الائونس وی کائنی ملیا۔
