مغربی ہوائیںدا فعال سلسلہ (اج) بلوچستان دے رستے ملک اچ داخل تھیسی کالام اچ درجہ حرارت منفی15 ،مری، کوئٹہ اچ منفی5 ریکارڈ

مغربی ہوائیںدا فعال سلسلہ (اج) بلوچستان دے رستے ملک اچ داخل تھیسی کالام اچ درجہ حرارت منفی15 ،مری، کوئٹہ اچ منفی5 ریکارڈ

اسلام آباد (پاکستان نیوز پوائنٹ 12جنوری2016ء) محکمہ موسمیات ہفتے دے چھیکڑ توں پورے ملک اچ مزید بارش اتے برف باری دی پیش گوئی کیتی ہے۔ رپورٹ دے مطابق مغربی ہوائیںداہک فعال سلسلہ (اج) جمعے کوں بلوچستان دے رستے ملک اچ داخل تھیسی تے ایں سلسلے اچ بلوچستان اچ جمعے توںاتوار دے دوران اکثر جہیں تے، سندھ اچ جمعے توں ہفتے دے دوران کجھ جہیں تے، اسلام آباد، اتلے پنجاب اچ اتوار توں بدھ دے دوران کتھائیں کتھائیں، جنوبی پنجاب اچ وی ہفتے تے اتوار دے ڈینھ کجھ جہیں تے،جڈاں جو خیبر پختونخوا، فاٹا اتے گلگت بلتستان اچ ہفتے توں بدھ دے دوران کتھائیں کتھائیں کھمنڑ نال مینھ تے پہاڑاں تے برف پوونڑ دا امکان ہے ۔

جمعرات کوں ریکارڈ کیتے گے گھٹ توں گھٹ درجہ حرارت دی رپورٹ دے مطابق کالام اچ درجہ حرارت منفی15 ڈگری سینٹی گریڈ ، استور اچ منفی14، سکردو منفی13، گوپس، گلگت منفی9، بگروٹ، دیر، قلات منفی8، راولاکوٹ، مالم جبہ منفی7، ہنزہ منفی6، پاراچنار، مری، کوئٹہ منفی5، دروش منفی4، بونجی، رسالپور، دالبندین، چلاس اتے کاکول اچ منفی3ڈگری سینٹی گریڈ ریکارڈ کیتا گیا۔ محکمہ موسمیات دے مطابق گزریل 24 گھنٹے دے دوران ملک دے ودھ سارے علاقیں اچ موسم ودھ سارا ٹھڈا رہیا تے پنجاب دے میدانی علاقے تے اتلے سندھ دے علاقے کوہیڑ دی وکیڑ اچ رہیے ۔