پاکستان ریلویز اسٹیشناں تے سیکیورٹی مزید سخت کرڈتی ، کلوز سرکٹ کیمریں دی تنصیب دے علاوہ سامان دی چیکنگ سانگے سکینر مشیناں لاڈتیاں گیاں

اسلام آباد (پاکستان نیوز پوائنٹ 10اکتوبر2016ء) پاکستان ریلویز اسٹیشناںتے سیکورٹی مزید سخت کر ڈتی ہے ۔کلوز سرکٹ کیمریں دی تنصیب دے علاوہ سمان دی چیکنگ سانگے سکینر مشیناں لا ڈتیاںگیاںہن ۔جڈاں جو پارکنگ دے نظام کوں وی چنگاں بنڑایا ہے ۔ذرائع دے مطابق ریلوے اسٹیشناں تے مسافراں دی حفاظت سانگے ترجیحی بنیاداں تے اقدامات کیتے گے ہن ۔پورے ملک اچ ریلوے اسٹیشناں تے کلوزسرکٹ کیمرے لا تے ویندے پن ۔ریل گاڈیاں اچ پولیس دے علاوہ کمانڈوز دی وی ڈیوٹی لاتی گی ہے ۔ریلوے ٹریکس دی وی 24گھنٹے نگرانی کیتی ویندی پئی ہے ۔موجودہ حکومت ریلوے کوں خسارے توں کڈھنڑ سانگے منافع بخش ادارہ بنڑاونڑ دا ارادہ رکھیندی ہے ۔ایں سلسلے اچ ودھ سارے اقدامات کیتے گے ہن ۔