سینیٹ دی قائمہ کمیٹی برائے ریاستی تے سرحدی علاقہ جات دی ذیلی کمیٹی دا اجلاس

سینیٹ دی قائمہ کمیٹی برائے ریاستی تے سرحدی علاقہ جات دی ذیلی کمیٹی دا اجلاس

اسلام آباد (پاکستان نیوز پوائنٹ 30ستمبر 2016ء) سینیٹ دی قائمہ کمیٹی برائے ریاستی تے سرحدی علاقہ جات دی ذیلی کمیٹی دا اجلاس کمیٹی دے کنوینئر سینیٹر محمد صالح شاہ دی صدارت اچ پارلیمنٹ ہائوس اچ تھیا۔ اجلاس اچ کمیٹی دے کنوینئر تے بئے رکناں ایڈیشنل چیف سیکرٹری فاٹا اتے سیکرٹری پلاننگ اینڈ ڈویلپمنٹ دی غیر حاضری تے ودھ ساری کاوڑ دا اظہار کریندے ہوئیں اجلاس ملتوی کرنڑ دا فیصلہ کیتا۔

کمیٹی دے کنوینئر سینیٹر محمد صالح شاہ آکھیا جو متعلقہ حکام کمیٹی کوں خبر وی کائنی ڈتی اتے اے کمیٹی دا استحقاق مجروح کرنڑ دے برابر ہے ۔ جیکر اساں ذیلی کمیٹی نال بیورو کریسی د ااے رویہ ریہے تاں ایں بارے قواعد و ضوابط دے تحت کاروائی عمل اچ گھن آئی ویسی ۔ انہاں آکھیا جو اراکین ایں اہم اجلاس کیتے وقت کڈھیا ہے اتے عوامی اہمیت دے بہوں سارے معاملے زیر غور گھن آونڑاںہئی ۔ جیندے اُتے ایڈیشنل چیف سیکرٹری اتے سیکرٹری پی اینڈ ڈی دی غیر موجودگی اچ بحث نا ممکن ہے۔اجلاس اچ سینیٹرز ہدایت اللہ،سجاد حسین طوری اتے تاج آفریدی دے علاوہ بئے اعلیٰ حکام وی شرکت کیتی۔