اسلام آباد (پاکستان نیوز پوائنٹ 27ستمبر 2016ء) پارلیمانی سیکریٹری ہائوسنگ تے تعمیرات سید ساجد مہدی آکھے جو وزارت ہائوسنگ تے تعمیرات وفاقی سرکاری ملازماں دی ریٹائرمنٹ دے موقعے تے انہاں کوں کوارٹراں دی تصدیق، عدم اعتراض ترائے ڈینھ اچ جاری کرنڑ دی پابند ہے ۔ اساں ایندے اُتے سختی نال عمل درآمد کریندے ہوئیں 41 کروڑ روپے دی ریکوری کیتی ہے۔
منگل کوں قومی اسمبلی دے اجلاس اچ خالدہ منصور دے سرکاری ملازماں دی ریٹائرمنٹ دے موقعے تے سرکاری کوارٹرز دے تصدیق نامے اتے بئے کاغذپَتر گھنڑ اچ اوکھ بارے توجہ ڈیوائو نوٹس دے جواب اچ پارلیمانی سیکریٹری سید ساجد مہدی آکھیا جو سارے ضابطے پورے تھیونڑ دے بعد وزارت ہائوسنگ تے تعمیرات ترائے ڈینھ اچ این او سی جاری کرنڑ دی پابند ہے ۔ سارے یوٹیلٹی بلز اتے بئے کوائف پورے کرنڑاں لازمی کم ہے ۔
توجہ ڈیوائو نوٹس تے خالدہ منصور اتے شکیلہ لقمان دے سوالات دے جواب اچ پارلیمانی سیکریٹری سید ساجد مہدی آکھیا جو جیکر متعلقہ محکمہ ذمہ داری گھن گھندے تاں اساں کوں کئی اعتراض کائنی ۔ اساں ایں سال ایں سختی دی بنیاد تے 410 ملین دی ریکوری کیتی ہے۔ بہوں سارے ملازم بل ہئی کائنی ڈیندے ،انہاں کاغذان توں بغیر اساں این او سی نہیں ڈے سگدے ۔
