چین پاکستان اقتصادی راہداری منصوبے دے مغربی حصے بارے منصوبیاں تے کم ایں سال دسمبر تئیں پورا تھی ویسی

چین پاکستان اقتصادی راہداری منصوبے دے مغربی حصے بارے منصوبیاں تے کم ایں سال دسمبر تئیں پورا تھی ویسی

اسلام آباد (پاکستان نیوز پوائنٹ 27اگست 2016ء) چین پاکستان اقتصادی راہداری منصوبے دے مغربی حصے بارے منصوبیاں تے کم تیزی نال جاری ہے ، جیہڑاجو دسمبر 2016 ء تئیں پورا تھی ویسی ۔چین پاکستان اقتصادی راہداری نال ملک دے سارے صوبیاں کوں فیدہ تھیسی جڈانجو بلوچستان خیبر پختونخواہ اتے فاٹا کوں خصوصی طور تے فیدہ تھیسی۔ چین پاکستان اقتصادی راہداری وزیراعظم نواز شریف اتے اعلیٰ چینی قیادت دی سوچ ہے جیندے تحت چین اتے پاکستان وچال تریخی رابطیاں کوں بحال کرنڑاں ہے ، پاک چین اقتصادی راہداری دے تحت اہم منصوبیاں اچ گوادر بندگاہ دا درجہ ودھاونڑ ، گوادر پورٹ ایکسپریس وے ،گوادر انٹرنیشل ائیر پورٹ،اتے کراچی سکھر موڑوے شامل ہن ۔

تانجو ایندے پورے تھیونڑنال ملک دی اقتصادی اتے معاشی ترقی اتے خوشحالی دے ہدف اچ مدد گھدی ونج سگے ۔ پلاننگ کمیشن دے جاری کیتے گئے اعدادوشمار دے مطابق سی پی ای سی دے مغربی روٹ دی تکمیل کیتے منصوبیاں اچ خنجراب توں روائے کوٹ 335 کلومیٹر سڑک پوری تھی گئی ہے ایں طرح رائے کوٹ توں تھاہ کوٹ سڑک 270 کلومیر دی فزیبلٹی رپورٹ وی پوری تھی گئی ہے ۔ 120 کلومیٹر تھاہ کوٹ ۔

حویلیاں سڑکی دی تعمیر دے کیتے 20 ارب 50 کروڑ روپے ،برہان ۔حویلیاں ایکسپریس وے تے کم جاری ہے ،280 کلومیٹر برہان۔ڈی آئی خان سڑک دی تعمیر وی شروع تھی گئی ہے ۔ ہک سو چووی کلومیٹر ڈی آئی خان ۔مغل کوٹ روڈ ، 81 کلومیٹر ژوب ۔مغل کوٹ روڈ دی تعمیر،454 کلومیٹر این 85 خوشاب۔سریاب روڈ دی تعمیر،193 کلومیٹر ایم 8 خوشاب۔گوادر روڈ دی تعمیرتے کم جاری ہن ۔