بيجنگ (پاکستان نیوز پوائنٹ 29دسمبر2016ء) پاڪ چين اقتصادي لنگهه جي حوالي سان گڏيل تعاون ڪميٽي جو ڇهون اجلاس ڪالهه خميس ڏينهن چين جي گادي واري شهر بيجنگ ۾ شروع ٿيو. پاڪستان پاران اجلاس جي صدارت منصوبابندي، ترقي ۽ سڌارن واري وفاقي وزير احسن اقبال جڏهن ته چين پاران صدارت اين ڊي آر سي جي وائيس چيئرمين وانگ زيائو تاو ڪري رهيو هو. پاڪستاني وفد ۾ ريلوي وارو وفاقي وزير خواجه سعد رفيق، وزيراعظم جو پرڏيهي معاملن وارو صلاحڪار طارق فاطمي پڻ شامل آهن. اجلاس ۾ سنڌ جو وڏو وزير سيد مراد علي شاهه ۽ خيبرپختونخواهه جو وڏو وزير پرويز خٽڪ، بلوچستان جو وڏو وزير نواب ثناءُ الله زهري ۽ گلگت بلتستان جو وڏو وزير حفيظ الرحمان پڻ موجود هئا. پنجاب جي نمائندگي انڊسٽري جو صوبائي وزير شيخ علاءُ الدين ڪري رهيو هو. اجلاس ۾ مختلف وفاقي ۽ صوبائي وزارتن ۽ ادارن جا اعليٰ عملدار پڻ شريڪ هئا. جي سي سي اجلاس ۾ سي پيڪ تحت جاري منصوبن تي اڳڀرائي جو جائزو ورتو ويو. اقتصادي لنگهه منصوبي ۾ نوان منصوبا شامل ڪرڻ جي فيصلي جو پڻ امڪان آهي. اي پي پي/ع – ک 18:17
پاڪ چين اقتصادي لنگهه جي حوالي سان گڏيل تعاون ڪميٽي جو اجلاس
7 سال پھريان