اسلام آباد (پاکستان نیوز پوائنٹ 11جنوری2016ء) وزيراعظم محمد نواز شريف سنڌ جي گورنر جسٽس (ر) سعيد الزمان صديقي جي لاڏاڻي تي گهري ڏک ۽ افسوس جو اظهار ڪيو آهي جيڪو ڪالهه اربع ڏينهن ڪراچي ۾ لاڏاڻو ڪري ويو. وزيراعظم آفيس پاران جاري بيان موجب وزيراعظم چيو ته جسٽس (ر) سعيدالزمان صديقي جي عدليه ۽ قانون جي عملداري جي ميدان ۾ خدمتن کي سدائين ياد رکيو ويندو. هن چيو ته جسٽس (ر) سعيدالزمان صديقي هڪ سچو ۽ ديانتدار جج هو جنهن اصولن تي ڪڏهن به سمجهوتو نه ڪيو ۽ انصاف جي فراهمي ۾ غيرجانبدار رهيو. وزيراعظم چيو ته جسٽس (ر) سعيدالزمان صديقي جو غيرجمهوري عنصرن خلاف مزاحمت جي حوالي سان ڪردار ۽ ان ڏس ۾ قربانيون بي مثال آهن. هن دعا ڪئي ته الله تعاليٰ مرحوم کي جنت ۾ جاءِ ڏي ۽ سوڳوار خاندان کي اهو صدمو برداشت ڪرڻ جو حوصلو عطا فرمائي. اي پي پي/ص – ج/ع – ک 18:49
وزيراعظم پاران سنڌ جي گورنر سعيد الزمان صديقي جي لاڏاڻي تي ڏک جو اظهار
7 سال پھريان