زيورخ (سوئټزرلېنډ) (پاکستان نیوز پوائنٹ 16نوری2016ء) وزیراعظم محمد نواز شریف د نړيوال اقتصادي فورم 47مې كلنې غونډه كښې ګډون لپاره د ګل په ورځ سوئټزر لېنډ ته رسېدلې دې ٬وزيراعظم سره خپله كورودانې مېرمن كلثوم نواز او د وزیراعظم د خارجه چارو خاص مرستيال طارق فاطمي هم ملګري دي ٬ ۔ وزیراعظم د نړيوال اقتصادي فورم اېګزېكټو چيئرمېن پروفېسر کلاز شواب په بلنه دا دوره كوي۔
د زیورخ په نړيوال هوائي مېدان جنيوا كښې د ملګرو ملتونو د مشن خاص استازې او سفيره تهمينه جنجوعه او سينئر سوئس چارواكو د وزيراعظم هركلے وكړو ۔ د پراخه سماجي همكارۍ او بشري پرمختګ ودې مقصد له د اقتصادي فورم په زيورخ كښې كېدونكې غونډه د 17 نه تر 20مې جنورۍ دوام لري۔ سږ كال د غونډې سرخط " موثر او ذمه وار قيات" دے چې پكښې به د كال 2017 په مهال د مشرانو مهمو چېلنجونو ته پام ګرځولې شي۔
وزيراعظم به په دې موقع د پاكستان اقتصادي كاميابو او د مثالي كاروباري او سرمايه كارۍ موقعو رامخې ته كولو سره سره خارجي سرمايه كار نېغه په نېغه راغب كوي۔ په 47مه غونډه كښې به د حكومتي مشرانو ٬كاروباريانو او د سول سوسائټۍ نزدې 3 زره كسان ګډون كوي چې پكښې به په دريو كښې يو برخه د اروپا٬ قطبي امريكې څِخه بهر او په دريو كښې يوه برخه كاروباريان او حكومتي مشرانو سره د ټولنې نمائنده شخصيات شامل وي۔
د اقتصادي فورم په موقع به وزیراعظم ګڼ شمېر حكومتي لارښودو او د سوداګر مشرانوسره ملاقاتونه كوي۔وزیراعظم به په ډېووس كښې د نړيوال اقتصادي فورم كلنه غونډه كښې چیئرمېن پروفېسر کلاز شواب، د سویډن، ناروے او سري لنکا وزراعظمانو، د هالېنډ ملکه مېکسیما ، د ملګرو ملتونو نوي عمومي سېكتر انټونیو ګېوټرېس او د سوئټزرلېنډ اولس مشر ډورس لېتھرډ سره هم ملاقاتونه كوي۔
د خارجه دفتر له مخې د كلنې غونډې كال 2017 پرانسته به د چين اولس مشر شي جن پنګ كوي او په دې موقع به ھغه سره د چين چارواكو يو پلاوي هم ملګرې وي۔ د كلنې غونډې په 400 چوكو كښې د نيمو څخه د زياتو پام د پراخه سماجي همكارۍ او بشري پرمختګ ودې لائحې ته ګرځولې شوې٬ د يو زر نه د زياتو كمپنو سي اي اوز به هم په دې فورم كښې ګډون كوي۔د خارجه دفتر له مخې د نړيوال اقتصادي فورم په كلنه غونډه كښې د وزیراعظم محمد نواز شریف ګډون سره به پاکستان كښې کاروباري ، سرمایہ کارۍ او تجارتي موقعو څخه د نړيوالې ورورولۍ خبرولو له هم مرسته ترلاسه شي۔
پاكستان څخه به د انفارمېشن ټېكنالوجۍ دوهمه وزيره انوشه رحمان او د قامي روغتيا دوهمه وزيره سائره افضل تارړ هم دې فورم كښې د خيالاتو څرګندونه كوي۔ نړۍ كښې د وزارتي پلاويو په دې جامع غونډه كښې به د 70 نه د زياتو هېوادونو ګډون سره سره د ملګرو ملتونو نوې عمومي سېكتر او د نړيوال تنظيمونو ګڼ شمېر مركزي مشران ګډون كوي۔ په دې فورم كښې د ټول كال هلو ځلو او ھغه منصوبو او اقداماتو ته وده وركولې شي كومو څخه چې د ملګرو ملتونو ښه پرمختيائي اهدافو له مرسته تر لاسه كېدې شي۔)وا/ض ض/ګ ل/2135)